अंगाई गीते

अंगाई गीते 

पंखा फिरतो गरा गरा
वारा देतो भरा भरा

खबडक  खबडक  घोडोबा 

घोड्यावर बसले लाडोबा
लाडोबाचे लाड करताय कोण
आजी आजोबा मावश्या दोन



टाळ्या बाई टाळ्या
पुरणाच्या पोळ्या
एक पोळी करपली
दुधासंगे कुस्करली
दुध झाले कडू
बाळाला आले रडू



ए ग गाई गोठयात
बाळाला दुध दे वाटीत
बाळाचे दुध मांजर चाटी
मांजर गेले रागाने तिकडच खाल्ले वाघाने
वाघ मामा ओरडतो अस्वल मामी पोळ्या करते .
मुलांनी पोळ्या खाल्या चटाचट
झाडावर चडले पटापट


मोरा रे मोरा
काय तुझा तुरा
एक पाय दुमडून ,
पिसारा फुलवून
नाच तर खरा
मोरा रे मोरा


पोपट किती गोड गोड
खातो पिरू ची फोड फोड


हत्ती हत्ती मोठा किती
मुंगी मुंगी लहान किती
हत्तीच्या कानात शिरली बया
हत्ती नाचतो थया थया

करंगळी मरंगळी चाफेकळी अंगठा ,कोपरा ,खोपरा
करंगळी   आलं आलं आलं आलं … गुदुगुदु गुदुगुदु


कोणाचे ग कोणाचे सुंदर डोळे कोणाचे ?
हे माझ्या बाळाचे
कोणाचे ग कोणाचे लाल लाल ओठ कोणाचे?
हे माझ्या बाळाचे
कोणाचे ग कोणाचे गुब्बू गाल कोणाचे ?
हे माझ्या बाळाचे...




अडूगल मडूगल सोन्याच कडूगळ
रुपयाचा वाला तान्ह्या बाला
तीट लाऊ …
तीट लाऊ …